Lăi pơthâo glăi brơi ƀuh, 6 blan rơgao, hơdôm ding jum, anom bruă, tơring čar ƀôn prong hơmâo pơphun ngă lu bruă bơkơtưn khăp kơ lŏn ia, pơlir bruă đĭ kyar bơwih ƀong huă - mơnuih mơnam. Lăp đing nao, kơnôl 13/6, Khua dêh čar pơtrun bơkơtưn đĭ kyar 2 mrô rơwang thun 2026-2030. Pơhiăp ƀơi mông jơnum, Khua dêh čar lăi pơtŏng, bơkơtưn khŏm anăp nao tŭ yua sit, mă bruă gum pơgôp kơ lŏn ia, pơhlom pơgang lŏn ia, rơnuk rơnua laih anun pơđĭ tui tơlơi hơdip mơnuih ƀôn sang ngă gai pơkă brơi, gir pơsir bruă ngă kiăng kơ ƀă đôč, ngă kiăng kơ bơni đôč, sit biă ñu ƀu rơ-ua ôh.

Khua dêh čar črâo rơđah, hrơi blan rơgao hơmâo lu hơbô̆ bruă phrâo, bruă ngă klă tŭ yua, hmư̆ hing hyu djŏp. Anun jing bruă pơplih ngă hơbôt anom bruă kơnuk kơna, ngă hruaih brơi anŏ dŏ kơđông kơ hơdôm kơčăo bruă akŏ phun mơ̆ng dêh čar, hơdôm bruă ngă pơhưč, dlưh pran jua mơ̆ng bruă 500 hrơi mlăm hyu ĕp, klơi rŭ đĭ tơlang hăng pơsit anăn krăn pô tơhan djai pơsăn drơi kơ lŏn ia./.