Anai lĕ kơčăo bruă man pơdong măi pơkĕ apui yua hăng jua angin hơmâo prăk tuh pơ alin lu hloh mơ̆ng dêh čar tač rơngiao ƀơi Dak Lak, hăng rơnoh prăk truh 8.700 klai.

Tui hăng hnơ̆ng pơkă, rim thun grup măi pơdar ačăng pơkĕ yua apui anai jua kơtang 640 klăk kWh apui rơgoh hơdjă, pơkĕ hăng hrĕ apui dêh čar, djru pơhlom hơđong rơnoh apui yua amăng kual Tong krah-Dap Kơdư, laih dơ̆ng hơmâo prăk pơhrui glăi hơđong kông ngăn kơnuk kơna hăng pơsir bruă mă. Dak Lak hơmâo pơtong rơđah, bruă man pơdong sang măi apui yua mơ̆ng jua angin sa bruă mă đing nao hlâo hloh, pơhưč tuh pơ alin, ngă gêh găl kơ ƀing ngă bruă mơdrô tuh pơ alin pơkra apui yua hơdjă, djru pơtrut tơlơi bơwih ƀong huă pơđĭ kyar hơđong kơjăp.