Amăng mông jơnum, ơi Lữ Ngọc Bình, Khua khul pơphun bruă Ping gah tơring čar Quảng Ngãi lăi pơthâo hơdôm tơlơi pơtrun mơng Khul git gai Ping gah kơ bruă ruah Kơ-iăng Khua Jơnum min pel ĕp Ping gah tơring čar hăng Ding kơna Jơnum min pel ĕp Ping gah tơring čar Quảng Ngãi. Tui hơdôm tơlơi pơtrun anai, Khul git gai Ping gah ruah ơi Trần Ngọc Tuấn, Ding kơna jơnum min pel ĕp Ping gah tơring čar ngă Kơ-iăng Khua Jơnum min pel ĕp Ping gah tơring čar Quảng Ngãi, rơwang thun 2025-2030; Khul git gai Ping gah ruah ơi Trương Huy Tâm, Khua anom bruă phara mrô II, anom bruă Jơnum min pel ĕp Ping gah tơring čar mut ngă bruă amăng Jơnum min pel ĕp Ping gah tơring čar Quảng Ngãi, rơwang thun 2025-2030. Tơdơi kơ ruah, Jơnum min pel ĕp Ping gah tơring čar Quảng Ngãi hơmâo 4 čô khua apăn akŏ hăng 9 čô ding kơna.