Đĭ pơhiăp amăng mông mă bruă, Khua git gai Ping gah, Khua mir sir ơi Tô Lâm pơsit tong, gru grua blah wang wai pơgang lŏn ia, pơhlôm rơnuk rơnua mơnuih mơnam hơmâo pơdah tơlơi glăm ba, jing tơlơi yôm phăn mơng bruă boh thâo, bruă jao phara, đa bruă anai amra pơsit brơi sa, dua mơta bruă yôm phun; yôm hloh lĕ, hơdôm thun giăm anai, bruă boh thâo bruă jao phara hơmâo tơlơi yak nao phrâo hăng pran jua pơplih phrâo, djop mơta, anom bruă ƀu djơ̆ kơnong gir mut hrŏm ngă bruă tŭ yua amăng hơdôm bruă ĕp mă ƀing ngă soh đôč ôh mơ̆ ăt gơgrong gum hrŏm wai pơgang brơi tơlơi dưi lŏn ia, tơlơi rơngai hăng rơngĭt adai, wai pơgang guai lŏn ia hluai tui boh thâo bruă jao phara hăng djru brơi bruă pơđĭ kyar bơwih ƀong huă mơnuih mơnam amăng lŏn ia.

Khua git gai Ping gah, Khua mir sir ơi Tô Lâm rơkâo, pok prong bruă boh thâo tui bruă jao phara amăng hơdôm anih phrâo kiăng gơgrong pơgang hĭ hơdôm tơlơi ngă sat hăng kơtưn wai pơgang rơnuk rơnua lŏn ia.