Pơhiăp ƀơi mông jơnum, Kơ-iăng khua dêh čar ơi Hồ Quốc Dũng pơtrun hiăp bruă pơđĭ kyar pơkra apui lơtrik ayuh Việt Nam, jing sa bruă mă phun kiăng kơsem min boh thâo ia rơgơi, pơđĭ kyar boh thâo ia rơgơi phrâo, djru ba bruă pơtô hrăm gah bruă pơkra apui lơtrik ayuh.

Kơ-iăng khua dêh čar lăi pơtong, Ping gah, kơnuk kơna hơmâo pơtong rơđah tơlơi gơgrong ba prong amăng bruă pơhlom djop apui yua hăng ngă tui tơhnal pơkă či pơhrŏ ƀiă djah bơtơbiă đĭ asăp hăng rơnoh 0 amăng thun 2050. Kơnuk kơna hlăk ngă tui tañ pok pơhai Kơčăo bruă man pơdong sang măi apui lơtrik ayuh Ninh Thuận 1 hăng kơsem min boh thâo ia rơgơi phrâo gah apui ayuh ƀơi Đồng Nai. Anai lĕ hơdôm kơčăo bruă yom mơ̆ng dêh čar, kiăng djop sang bruă pơdjơ̆ nao amăng anun hơmâo sang bruă kơsem min apui lơtrik ayuh Việt Nam, khom pơtum lu bruă mă, lu khul mơnuih kiăng pok pơhai ngă tui.