Anai lĕ boh tơhnal hơmâo bơtŭ ư amăng Jơnum khua mua tal I amăng Khul. Amăng rơwang ngă bruă rơgao, djop gưl amăng Khul ia jrao kyâo bơrơkal mriah amăng dua boh tơring čar Dak Lak hăng Phú Yên hlâo kơ pơmut hrŏm hơmâo pok pơhai lu bruă djru khăp pap hăng abih tih nua ñu rơbêh 403 klai prăk, djru brơi rơbêh 1,3 klăk čô mơnuih; lu bruă mă anun lĕ Tê̆t khăp pap, blan djru khăp pap, pơyơr drah, djru pơgang ayuh hyiăng pơplih sat lêng kơ rơgao hơnong pơkă.

Git gai mông jơnum, ơi Nguyễn Thiên Văn, kơ-iăng Khua Jơnum min mơnuih ƀon sang tơring čar Dak Lak rơkâo Khul ia jrao kyâo bơrơkal mriah tơring čar tŏ tui pơplih phrâo hơdră ngă bruă tui jơlan sit nik, klă hloh, pơtrut kơtang pơplih mrô, hrưn đĭ tŭ yua amăng bruă mă, wai lăng ngăn rơnoh hăng ngă tui pran gơgrong phun amăng bruă djru khăp pap.