Pơhiăp ƀơi mông ngă pơphun bruă, Khua dêh čar ơi Lê Minh Hưng pơsit Ping gah, Kơnuk kơna leng kơ lăng bruă hyu ĕp, klơi, rŭ đĭ hăng pơsit anăn tơhan djai pơsăn drơi jing bruă kơđi čar akŏ phun, jing tơlơi hơdor tơngia “Ƀong boh hơdor kơ pô pla, mơñum ia hơdor kơ pô klơi” laih anun bruă jao mơ̆ng sit hơtai boh khăp ƀu-eng hăng tơhan djai pơsăn drơi kơ lŏn ia ta ƀơi Đang bơnga Lê Thị Riêng.

Khua dêh čar kiăng ƀôn prong Hồ Chí Minh hrŏm hăng Ding jum ling tơhan, Anom bruă khua git gai tơhan Kual 7 ječ ameč pơƀut glăi, pơblang rơđah, pơtŏng glăi lăp djơ̆ hăng boh thâo ia rơgơi, djŏp hră pơ-ar, tơlơi pơhing bơdjơ̆ nao hơdôm tal blah ngă, tal bơblah prong ƀơi anai, tơña ƀing tha đưm, mơnuih hơdip amăng rơnuk blah wang, biă ñu amăng hơdôm thun 1968, 1972. Laih dong, pơhmu hăng hră pơ-ar, tơlơi ră ruai mơ̆ng ƀing tha đưm, laih anun mă yua boh thâo phrâo đah mơ̆ng pơtrut tañ pơsit rơđah pôr pơhing./.