VOV.Jarai - Lơ 4/5, Khul mă bruă mơ̆ng Ping gah yua Ding kơna git gai Ping gah, Khua sang phat kơđi prong Nguyễn Văn Quảng ngă khua khul nao mă bruă hăng tơring čar Lâm Đồng kơ bruă pok pơhai Kual bơwih ƀong ter hang ia rơsĭ hăng hơdôm kơčăo bruă akŏ phun.

VOV.Jarai - Tŭ ư tơlơi jak iâu mơ̆ng Khua dêh čar India ơi Narendra Modi, mơguah lơ 5/5, Khua git gai Ping gah, Khua mir sir ơi Tô Lâm hrŏm hăng khul khua pơprong mơ̆ng Việt Nam nao čuă gưl Kơnuk kơna pơ dêh čar India.

VOV.Jarai-Jơnum min mơnuih ƀôn sang tơring čar Dak Lak brơi jŭ yap glăi prăp lui jơnum hơduah ĕp bruă tuh pơ alin thun 2026 hrŏm hăng čih pơkra glăi akŏ bruă pơkă hlâo mơ̆ng thun 2021-2030, lăng nao pơ anăp adih truh thun 2050. Tơring čar Dak Lak anăp nao kơ tơhnal pơkă tŭ yua sit nik, tơgŭ man pơdong, kĭ pơkôl hơdôm kơčăo bruă pơprong.

VOV.Jarai-Mơguah lơ 3/5, Khua dêh čar Japan, yă Takaichi Sanae pơpĕ laih mơ̆ng Hà Nội, pơđut hiam klă tal rai čuă jơmư sit nik dêh čar Việt Nam mơ̆ng lơ 1-3/5, tui hăng tơlơi jak iâu mơ̆ng Khua dêh čar ơi Lê Minh Hưng.

VOV.Jarai-Tơdơi kơ Khua pơ ala mơnuih ƀôn sang ba tơbiă tơhnal pơkă, hơdră bruă phrâo, pơsir hĭ hơdôm tơlơi tơnap tap, gun găn brơi akŏ bruă sang măi apui lơtrik ayuh Ninh Thuận, tơring čar Khánh Hòa glăk ječ ameč ngă tui sit nik kiăng pơtrut bruă duh glăi lŏn mơnai, djru brơi hăng man pơdong anih dŏ phrâo, pơhrui glăi lŏn mơnai pioh man pơdong.

VOV.Jarai-Jơnum min mơnuih ƀôn sang tơring čar Dak Lak, rơkâo pơblih glăi mông mă bruă čar amăng đơ đam tơring čar .

VOV.Jarai-Ƀơi anom khua mir sir, Kơ-iăng khua mir sir yă Võ Thị Ánh Xuân bưp ƀô̆ mơta khua mua mơnuih tơpuôl ba gru hlâo amăng bruă mă, lơ̆m nao pơtom hiăp hăng bưp mơnuih mut phung thun 2026.

VOV.Jarai - Tơring čar Dak Lăk ră anai hơmâo giăm 62 rơbâo čô mơnuih mă bruă amăng khul mut phung. Hơdôm thun rơgao, bruă bơkơtưn mă bruă hơmâo pok pơhai dlăm biă, djŏp anih, pơhưč lu mơnuih amăng khul gum ngă, mơ̆ng anun hơmâo hơdôm rơbâo tơlơi pơčeh rơgơi, boh thâo ia rơgơi, măi mok phrâo hơmâo mă yua, djru bruă ngă tŭ yua, pơđkra gơnam, sĭ mơdrô đĭ hloh.

VOV.Jarai - Ƀơi ƀôn prong Hồ Chí Minh, ƀrô ngă lơphet 51 thun Hrơi pơklaih rơngai kual dơnung pơlir hơbit lŏn ia laih anun Hrơi jar kmar pơpŭ kơ mơnuih mă bruă lơ 1/5, Khua git gai Ping gah, Khua mir sir ơi Tô Lâm nao pơhmư̆ hăng git gai mông bưp 200 čô kông ñơn mă bruă či pơhmư̆ tơlơi kiăng khăp mơ̆ng ƀing kông ñơn amăng ƀôn prong.

VOV.Jarai - Tơring čar Lâm Đồng sit nik pok pơhai 3 boh thâo mrô kiăng git gai, wai lăng klă hloh mơ̆ng ƀing khua, mơnuih mă bruă kơnuk kơna, djru pơtrut tui bruă mă yua boh thâo mrô mơ̆ng tơring čar.