Amăng mông jơnum, ƀing khua mua hmư̆ lăi pơthâo hăng pơčrông sai kơ bruă bơwih ƀong huă-mơnuih mơnam blan 6 hăng 6 blan akŏ thun 2026; bruă kah pơpha, jao prăk tuh pơ alin man pơdong, ngă tui jơlan hơdră tui hơnong pơkă dêh čar, lăng glăi bruă pơhrui ngăn drăp kơnuk kơna 6 blan akŏ thun 2026; kơ bruă git gai, wai lăng mơng Kơnuk kơna, Khua dêh čar amăng blan 6 hăng 6 blan akŏ thun; bruă jao akŏ phun kiăng đing nao git gai pơ anăp anai; kơ bruă prap lui thun hrăm phrâo 2026-2027 hăng sa, dua boh tơhnal pơkŏn dong. 6 blan thun 2026, tơlơi bơwih ƀong huă hơmâo pơhlôm hơđong. Pơđĭ kyar tơlơi bơwih ƀong huă tŏ tui hơđong. GDP rơwang tal II him lăng đĭ 8,39%, ba rơnoh pơđĭ kyar 6 blan đĭ 8,18%.

Đĭ pơhiăp amăng mông jơnum, Khua git gai Ping gah, Khua mir sir brơi thâo, lŏn ia ta glăk dong ƀơi anăp lu tơlơi dưi pơđĭ kyar kơtang biă mă, samơ̆ tơlơi dưi amra ngă tui sit nik lơm đơ đam dêh čar gir run prong hloh, pơmĭn brơi djơ̆, tơhnal pơkă brơi hruaih, anih anom mă bruă tŭ yua, mơnuih apăn bruă khin ngă, anom bơwih ƀong prong kơtang, mơnuih ƀôn sang mut hrŏm ha pran, yua anun, tui pran ngă bruă hrŏm lĕ gir run ƀiă, ngă bruă kơtang ƀiă, pơphun ngă tui khut khăt ƀiă; gir run pơgiong klă hloh hơdôm hơnong pơkă thun 2026 rah, hăng ngă atur phun kjăp phik yak nao thun 2027 hăng amăng ha rơwang pơđĭ kyar phrâo amăng lŏn ia.