6 blan akŏ thun, GRDP mơ̆ng tơring čar đĭ rơbêh 9%, dăp tal 14/34 boh tơring čar ƀôn prong hăng dăp tal 2 amăng kual ter hang ia rơsĭ Dơnung Tong Krah hăng Dap Kơdư; lu rơnoh pơkă bruă pơkra gơnam mơ̆ng măi mok, sĭ mơdrô, bơwih bơwang, tuh pơ alin đĭ mơn, pơhrui glăi prăk hơmâo rơbêh 74% mrô pơkă amăng sa thun.

Jơnum pơsit 6 mơta bruă akŏ phun, amăng anun kiăng pơklaih anŏ tơnap gah lŏn tơnah pioh čuk pơkra, pơtrut brơi prăk či ngă bruă kơnuk kơna jao, pơđĭ anŏ klă akŏ pơjing Ping gah, ngă bruă kiăo tui tơlơi phiăn, pơtŏng glăi bruă dưi ngă hăng aka ƀu dưi ngă mơ̆ng ƀing khua. Ơi Lâm Đông - Kơ-iăng khua ping gah, Khua jơnum min pơ ala mơnuih ƀôn sang tơring čar Khánh Hòa kiăng djŏp gưl, anom bruă pơsit hĭ hăng hơdôm bruă ngă rơđah rơđông, mă anŏ klă bơwih brơi mơnuih ƀôn sang hăng anom bơwih ƀong ngă gai pơkă brơi tŭ yua bruă mă./.