Tui hăng hră lăi pơthâo ƀơi mông jơnum, 6 blan akŏ thun 2026, abih bang amăng khul ling tơhan hơmâo ngă djơ̆ bong kơjăp bruă prăp lui blah ngă, krăp hmư̆ tong ten tơlơi pơhing hăng hmao kru lăi pơthâo hăng ping gah, kơnuk kơna pơsir tañ hơdôm bruă mă, tơlơi hơmâo ba glăi boh tŭ yua, pơgang kơjăp tơlơi dưi ngă pô kơ lŏn ia.

Pơ anăp anai, abih bang amăng khul ling tơhan hơmâo tŭ mă tơlơi pơtrun kơjăp tong ten mơ̆ng Khua ping gah, khua mir sir ơi Tô Lâm, Khua git gai ping gah ling tơhan dêh čar, amăng anun khut khăt pơblih kơtang amăng bruă mă, pơđĭ tơlơi kơtang blah ngă,  hmao kru pơsir tŭ yua djop tơlơi pơhing hơmâo amăng bruă mă sit nik rim hrơi. Djă pioh bruă brơi krăp lăng na nao, prăp lui pran jua blah ngă, pơgang tong ten kual lŏn, adai rơngit amăng ia rơsĭ dêh čar, ƀu brơi dŏ kơtuă, bral hơngal sit hơmâo tơlơi, pơgang kơjăp guai dêh čar amăng ia rơsĭ hăng tơlơi pơhing amăng internet hai. Lăng kơ bruă ĕp mơnuih rơgơi kơhnâo, djru ngă pơblih phrâo amăng bruă mă, pơtrut bruă hrăm hăng hluai tui tơlơi pơmin, pran jua, tơlơi dŏ dong ƀong huă mơ̆ng Hồ Chí Minh; pơđĭ tui tŭ yua amăng bruă jĕ giăm pơtô ba mơnuih ƀôn sang.