Nao ngă lơphet hơmâo Khua tơhan krên dên Phan Văn Giang, Ding kơna Ding jum kơđi čar, kơ-iăng Khua dêh čar, Khua ding jum ling tơhan. Găn rơgao 80 thun pơjing hăng pơđĭ kyar, sang hră jing anih phun pơtô brơi khua tơhan, amăng pơphô bruă hăng kơsem min boh thâo bruă ling tơhan prong hloh mơng Ling tơhan Việt Nam, pơtô hơdôm rơbăn čô tơhan brơi dêh čar Việt Nam, Lao hăng Kur.

Đĭ pơhiăp amăng mông ngă lơphet, Khua tơhan Phan Văn Giang pơpŭ hơdôm tơlơi dưi prong mơng sang hră, laih dong rơkâo tŏ tui pơplih phrâo amăng pơtô pơjuăt, pơtrut kơtang bruă kơsem min boh thâo phrâo, pơplih mrô, mă yua boh thâo ia rơgơi, pơjing ƀing nai pơtô rơgơi, gir run truh thun 2030 jing sang hră ngă bruă rơgơi, pơplih phrâo.