Khua git gai pơ ala mơnuih ƀôn sang dêh čar ơi Trần Thanh Mẫn lăng yôm tơlơi rô nao rai ngă hrŏm kơplah wah anom bruă phiah phiăn dua boh dêh čar amăng pơlăi nao rai tơlơi găn rơgao amăng bruă mă, wai pơgang brơi tơlơi tơpă sit, tơlơi dưi mơnuih ƀôn sang hăng pơgang, pơgăn ƀing ngă soh. Dua bơnah ăt pơlăi nao rai kơ bruă pơhrui glăi kông ngăn mơng ƀing ngă soh, pơjing hơdôm jơlan hơdră ngă hrŏm dua bơnah tui rĭm rơwang.

Khua git gai pơ ala mơnuih ƀôn sang dêh čar ơi Trần Thanh Mẫn rơkâo kơtưn pơbưp nao rai khua mua, tŏ tui hơdôm mông jơnum ngă hrŏm bruă mă, gum hrŏm kjăp amăng kual ASEAN hăng tŏ tui dong yua bruă pơjing Tơlơi pơkă ngă bruă ƀơi kual ia rơsĭ Ngŏ (COC) sit nik, tŭ yua, lăp djơ̆ hăng UNCLOS 1982.