Lăi pơthâo hăng Khul mă bruă, Khua ping gah tơring čar Lâm Đồng ơi Y Thanh Hà Niê Kđăm brơi thâo, tơdơi kơ pơmut hrŏm hăng pok pơhai gong gai dua gưl, tơlơi bơwih ƀong huă mơnuih mơnam mơ̆ng tơring čar hơđong laih. 6 blan akŏ thun, bơwih ƀong huă đĭ 7,9%; prăk pơhrui glăi hơmâo rơbêh kơ 18.800klai; pơhưč năng ai 100 kơčăo bruă tuh pơ alin hăng prăk či ngă bruă giăm 200 rơbâo klai. Tơring čar glăk pơƀut pơklaih hĭ hơdôm kơčăo bruă dŏ gun, pơtrut tañ brơi prăk či ngă bruă kơnuk kơna jao, gir dưi hơmâo rơnoh đĭ kyar mơ̆ng 10% truh pơ ngŏ amăng thun 2026.

Tơring čar ăt rơkâo đĭ Ping gah khul tơhan dêh čar, Ding jum ling tơhan lăng ba, djru brơi kơčăo bruă čih pơkra hơdră ngă bruă phara hơjăn či đĭ kyar bruă pơkra bô xit - alumin-ñôm. Pơhiăp ƀơi mông ngă bruă, Đại tướng Nguyễn Tân Cương kiăng tơring Lâm Đồng pơtrut tui dong tơlơi gêh găl, nao hrŏm hăng đĭ kyar bơwih ƀong wơ̆t hăng ngă kjăp tui bruă pơgang lŏn ia, rơnuk rơnua; pơtrut ngă hrŏm plah wah hơdôm khul tơhan amăng bruă pơgang guai lŏn ia, pơtrut ngă kơtang hloh bruă hyu ĕp, klơi rŭ tơlang tơhan djai pơsăn drơi kơ lŏn ia./.