Rơndap broă lơh tơrlòng lài do geh Mpồl cau lơh broă sa càr Dăk Lăk pơgồp bal mờ Mpồl dong kờl lam lơh tàm Hợp ták xã sầu riêng Thông Phong, xã Krông Nô, kơnhoàl Lăk, càr Dăk Lăk. Do là Hợp ták xã sầu riêng sơn rờp geh lơh tàm xã bơh nam 2022 mờ 10 hìu bơnhă tus bal, uă ngan là cau kòn cau, bă ù tam là 15 lồ sầu riêng bơh 1 tus 8 sơnam.

Tàm 2 nam, rơndap broă lơh rơp lam lơh ală broă lơh pơlam tàp, bơto pơlam jrô ơnàng, dong kờl mờ bơsram ngan ngồn nàng lơh bal cau lơh broă sa tam sầu riêng, ngui măi mok ngac ngar tàm broă tam sầu riêng, lơh suơn lơh lài mờ broă lơh suơn lơh lài sầu riêng pơgồp bal mờ lòt nhơl sền git ngan ngồn lơh broă suơn sre. Jơnau kờñ bơh rơndap broă lơh dê nàng tơnguh jơnau git wă bơh làng bol lơh broă sa kòn cau dùl êt nă cau mờ lơh bal  bơtàu tơnguh lơh sa mpồl bal ngui tam gơl sồ. Tàm pơrjum, ală cau tus bal neh cribơyai uă bè ală tơngume tờm bơh rơndap broă lơh dê, bơta lam lơh ngan ngồn, bơta tàm pơgồp bal ală tơngume, broă lơh bơh rơndap broă mờ ală broă lơh, rơndap broă mờ ƀòn lơgar dê.