Rơndăp broă lơh Adat phan lời wơl niam chài (tam gơl) cih bè broă sền sơ wì, bơta lơh jat broă sền sơ wì phan lời wơl, phan yau mờ cih mat phan lời wơl, phan yau; dờp phan kwơ màng dà lơgar; atbồ phan lời wơl, phan yau, phan kwơ màng dà lơgar mờ bơsong phan lời wơl, phan yau geh sền gŏ. Pal sền gròi ngan, jơnau rcang cih Adat bơtơl pa bè sền gàr mờ ngui niam phan lời wơl, jơnau cih bè tam cah is mờ jơnau kờñ sền gĭt phan lời wơl tàm sră pơ àr; kờp sền wơl phan lời wơl tàm sră pơ àr; cih mat phan lời wơl tàm sră pơ àr; prap gàr phan lời wơl tàm sră pơ àr; lơh niam wơl phan lơi wơl tàm sră pơ àr.

Củ tịc Quôk hội ồng Vương Đình Huệ đơs sùm: phan lời wơl niam chài geh sền là bơta pràn ai bơtàu tơnguh; pal geh prap gàr mờ ngui niam, bơta gơrềng prap gàr mờ ngui niam kờñ pal geh kờp sền wơl sră nggal adat, mờ nùs nhơm bơceh lơh bơtàu tơnguh. Sồr Mpồl cih jơnau bơtơl gùng dà broă lơh, broă lơh kwơ màng bè lơh sa mờ măi mok niam chài, drà niam chài, tam gơl sồ niam chài, lơh sồ ngan ngồn phan lời wơl niam chài, lơh broă bal song dơ pă, lơh sa niam chài. Mơkung geh gùng dà broă lơh krơi is prap gàr, ngui niam phan lời wơl niam chài làng bol jơi bơtiàn dồ ết nă cau, tiah kơh bơnơm, bồt bơlào dà lềng, phan lời wơl niam chài kwơ ờ hoan geh digơlan gơbàn roh tĕ.