Lơh ngan tơnguh khà Mpồl lơh broă bal lơh broă sùm, geh priă cồng geh bơh 80% rlau hơđang; tàm nam, lơh geh bơh 5 broă lơh Mpồl lơh broă bal, tàm hơ̆, sền gròi uă tus ală broă lơh Mpồl lơh broă bal pa, broă lơh Mpồl lơh broă bal gơ jat bal mờ ală mpồl lơh gơlik phan. Do là jơnau kờñ geh Mpồl tam klac Mpồl lơh broă bal càr Dăk Lăk tơlik tàm dơ̆ lam lơh srơh tàm pơrlòng nam 2025. Tàm dơ̆ lam lơh, Mpồl tam klac Mpồl lơh broă bal càr Dăk Lăk hòi jà ală Mpồl lơh broă bal tàm càr pơn jat tai đòm jat nùs nhơm rơcang lài, bơceh lơh, tơnguh pràn ngui jak chài măi mok, tam gơl sồ mờ lơh bal ală mpồl lơh gơlik phan nàng kờñ tơnguh cồng nha lơh broă. Bơh hơ̆, tơnguh khà Mpồl lơh broă bal lơh broă sùm, geh priă cồng bơh 80% rlau hơđang; khà Mpồl lơh broă bal jak geh rlau 55%, Mpồl lơh broă bal ờ pràn gơmù gam hơ đơm 10%. Tàm nam do, lơh geh bơh 5 Mpồl lơh broă bal broă lơh pa gơ jat bal mờ ală mpồl lơh gơlik phan. Ồng Huỳnh Bài, Kwang lam bồ Mpồl tam klac Mpồl lơh broă bal càr Dăk Lăk pà git, mpồl tam klac rơp geh ală broă dong kờl dipal nàng ală Mpồl lơh broă bal lơh gơtùi jơnau kờñ neh ai tơlik.