Tàm quý 1, gùt càr tac hờ lơgar ndai geh 306 tơlak dolar Mỹ, gơguh 16% pơndrờm dùl tŭ bal mờ nam lài. Tàm hơ̆, kơphe kung gam lam lài mờ 92 rbô tấn, priă lơh geh 266 tơlak dolar Mỹ. Pơndrờm mờ quý 1 nam lài, tac kơphe hờ lơgar ndai bơh càr Gia Lai dê gơmù 15% bè khà,mơya gơguh 17,1% bè priă lơh geh, tă pơgồp mờr 87% kờp jơh priă lơh geh bơh tac phan hờ lơgar ndai càr dê. Ală bơta phan ndai tă pơgồp priă lơh geh bơh tac phan hờ lơgar ndai uă ngan là bơsơt kau su mờ dơm chi. Tŭ do, càr pơn jat tai lam lơh ală broă lơh tơl làm nàng sơlơ tơnguh tai jơh bal lơh gơlik mờ tac hờ lơgar ndai bè mblàng yal tơnguh jơnau git wă bơh mpồl lơh sa kă bro dê bè broă lơh tac phan hờ lơgar ndai, lam lơh sa gàr niam tiah tam phan uă, hòi jà priă jền bơcri lơh phan bơna kă bro mờ broă drơng ala logistics.