Rơndăp broă lơh geh lam lơh tàm bă ù ơnàng pơgăp 5 rbô 700 thơk, bơh Kông ty Kong kơnòl nă să is Ù tiah hìu đam Phú Tài lơh cau tờm bơcri. Rơndăp broă lơh geh bơta ơnàng kờp dŭ pơgăp 431 nơm hìu, geh 419 nơm hìu ơm mpồl bơtiàn tàm Hìu ơm bal jơnhoa 24 cờn mờ 12 nơm hìu ơm kă bro phan cờn lơyah jơnhoa 5 cờn. Kờp jơh priă bơcri pơgăp 817 tơmàn đong; tơngai pơrgon lơh gơs sền swì, ai ngui tàm qúy III nam 2028.

Đơs tàm dơ̆ bơyai lơh, Thượng tướng ồng Đặng Hồng Đức, Thứ trưởng Bộ Kwang àng pà gĭt, broă bơ̆t bơtàu nàng kờñ pơgồp bơnah bơsong jơnau kờñ hìu ơm, lơh niam wơl bơta ơm kis ai kwang bàng, cau ling Kwang àng Làng bol in, dong kơ̆ kơl jăp rài kis, iang nùs lơh broă mờ lơh jăt kơnòl broă sền gàr niam lơngăp lơngai, rơndăp tăp sèng tàm ƀòn lơgar.