Bulah bè hơ̆, broă gŏ tai rlau 1 rbô 300 hìu làng bol geh hìu ing, hìu ồm sèt ñhăt dà mìu den tàng càr kờñ pal hòi tơrgùm tai priă jền ai broă lơh do in. Jăt Sờh Jơi bơtiàn mờ Pin dờn Jăt yàng càr Kon Tum dê đơs, jơnau bơh tài bè lơi mờ geh tai 1 rbô 300 hìu làng bol geh hìu ing, hìu ồm sèt ñhăt dà mìu tài bơh tŭ kờp sền nền wơl mhar bơh sơnrờp hìu ơm geh gĭt nền lơh geh tơl jơnau sồr mơya tài gơrềng bơh trồ tiah lơh aniai, mìu càl rbŭt dờng den tàng tơrlah tơrlơm jơh, ờ gam niam tai ờ tơl bơta kơnhăp; Ală tŭ lơh jăt kờp sền nền wơl jăt broă jàu Ƀộ Bơ̆t bơtàu dê ai lơh jăt geh tai khà hìu geh dong kờl jăt jơnau ai; Tơngai priă lơh geh, tơrgùm kờp khà sồ bơh sơnrờp geh lơh tàm tơngai ờ jŏ den tàng gơlam tus siơ̆u măt cau dờp lèng.

Ờ kờp khà hìu ing, hìu ồm sèt ñhăt dà mìu pa geh tai, kờp tus ngai 21 nhai 05 pa do, càr Kon Tum neh lơh jăt dong kờl tơn jơh hìu ing, hìu ồm sèt ñhăt dà mìu ai 2 rbô 622 hìu in, tàm hơ̆ lơh pa 2 rbô 77 nơm hìu mờ lơh niam wơl 545 nơm lơh geh khà 95% tàm kờp jơh 2 rbô 752 hìu làng bol kờñ tơn jơh hìu ing.