Broă lơh bơh Mpồl tam klac cau ùr dà lơgar Việt Nam lam lơh nàng kờñ dong kờl, ròng siam kơnòm kòn đời geh rài kis uă kal ke. Tơnơ̆ mờr 5 nam lam lơh broă lơh, tàm càr Gia Lai neh geh 172 nă mè ròng tơn mờ 150 mè ròng bơh cau ndai.

Ală mè ròng tàm càr gam dong kờl, sền gàr, ròng siam 407 nă kơnòm kòn đời. Bơh uă broă lơh dong kờl, broă lơh hòi jà tă pơgồp pà rlau 57 rbô bơnah phan pà, 580 bơnah priă dong kờl bơsram, 185 nơm rơndeh coh, dong kờl lơh niam wơl hìu ai kơnòm kòn đời in,… kờp priă mờr 10 tơmàn đong. Tàm dơ̆ bơyai lơh, ală cau ala mat neh cribơyai ală mờng chài, broă lơh niam tàm broă tàm bơrkuăt bal mpồl bơtiàn, hòi jà ală mpồl bal, cau dồ nă să at tê bal sền gàr kơnòm kòn đời, tam pà bal ală bơta kơlôi sơnơng, bơta kơlôi rơcang bơh kwang bàng mpồl dê tŭ lam lơh broă lơh, nùs nhơm bơh ală mè ròng dê tŭ dờp ală oh dềt krơi sơbơi lơh kòn, dong lơh gơlik hìu bơnhă ală oh in.