Ngai 12 nhai 10, Mpồl K52, Mpồl Đơng lam ling klàng càr Gia Lai pơgồp bal mờ mpồl lơh broă geh gơnoar sơnah ƀòn An Nhơn Bắc neh rồ tơrgùm tai dùl ƀồc ntìng cau ling chơ̆t màng tàm jơnum làng bol tiah drà Lộc Thuận.

Bè hơ̆, tàm broă jòi rồ, Mpồl K52 neh rồ tơrgùm kờp jơh geh 3 ƀồc ntìng cau ling chơ̆t màng bal mờ ờ uă phan lời wơl bè jun ju cau ling, plai ào, ƀŏp geh rùp neh ờ loh tai, gai cih, rơsi, tơrneh mờ gar phào đại liên. Tŭ do Mpồl K52 pơgồp bal mờ ală mpồl lơh broă tàm do pơn jăt tai lòt sền, jòi tàm ală tiah di gơlan geh pin, gàr niam broă jòi rồ, tơrgùm geh lơh nền nòn, bañ lời gơtìp gơlời ƀồc ntìng cau ling chơ̆t màng.