Tàm dơ̆ tìp mat, ală cau ala mat Cau ling khin cha jak chài Mpồl ling phàu crong Làng bol, cau ling yau lài do, ơruh pơnu lam lài lài do neh đơs uă kir sơnrai ngoh rơngăc bè dơ̆ tam lơh jŏ jòng, tơngŏ nùs nhơm khin cha, nùs nhơm bồ tơngoh kơ̆ dơn mờ nùs nhơm dòn song jơh nùs jơh tồr gơwèt mờ broă lơh kăc màng bơh Đảng, bơh jơi bơtiàn dê.

Ală cau ala mat kung tơngŏ bơta pin dờn mờ kơ̆p kờñ pơn jat tai tă pơgồp dà kơl hề, bồ tơngoh kơlôi sơnơng tàm broă lơh bơt bơtàu, sền gàr Dà lơgar tàm tơngai bơtàu tơnguh pa. Đơs tàm dơ̆ tìp mat, Tổng Ƀí thư ồng Tô Lâm đơs nền rài kah yau kăc màng Việt Nam sùm cih kah dà kơl hề dờng màng bơh ală cau neh tam lơh tàm tơl tiah dê. Tổng Ƀí thư yal tus ală cau ala mat in bè ală gùng dà broă lơh dờng rơ̆p geh lam lơh tàm tơngai tus, tơrgùm tàm 3 kơnòl broă kwơ màng: gàr kơ̆ tiah ơm ring lơngai, kơ̆ kơl jăp; bơtàu tơnguh lơh sa- mpồl bơtiàn mhar, kơ̆ kơl jăp jŏ jòng; yờ tơnguh uă rài kis làng bol in, ngan là cau rƀah, cau ờ pràn, gàr niam ờ geh cau lơi gơtìp lời wơl bơh ngkời.