Tàm tiah nhàr lơgar càr Dăk Lăk, Ồs đèng kơnhoàl Ea Súp gam ătbồ rlau 21 rbô nă cau ngui đèng mờ priă geh bơh kă bro pah nhai pơgăp 12 tơmàn đong. Is ồn, Ồs đèng kơnhoàl Ea Súp gam lơh jăt pà ồs đèng ai 9 pôs đồng ling sền gàr tiah nhàr lơgar bơh lơgar Việt Nam mờ Campuchia dê in. Mờ bơta is rơmis ù tiah ƀòn lơgar brê bơnơm uă, làng bol ơm kis rah rài, gùng lòt rê kal ke, Ồs đèng kơnhoàl Ea Súp neh rơcăng lài mờ ngăc ngar lơh uă broă lơh bơsong ai tơl đèng niam lơngăp lơngai mờ geh sùm.

Kwang bàng cau lơh phan ồs đèng kung sùm tus bal ală dơ̆ pơrjum thôn nàng tam tìp, tơm bơh bơr mờ làng bol, yal tơnggĭt jơnau gĭt wă bè ngui đèng niam lơngăp lơngai, yal tơnggĭt jơnau mờ hơ ală jơnau lùp gơrềng tus đèng. Ồs đèng kơnhoàl Ea Súp kung ngăc ngar tam gơl ală broă lơh rề priă đèng nàng dipal mờ bơta geh ngan bơh làng bol tiah nhàr lơgar dê, rơhời dong làng bol ngui geh ală drơng broă ƀươn kwơ bơh gah ồs đèng dê.