Jăt sră yal do, Anih duh broă Làng bol càr dan Mpồl duh broă Làng bol càr sền swì, tam gơl tơrmù bàr pe broă rơndăp lơh priă bơcri tơngai bơh nam 2021- 2025. Jơnau gơbàn là tài bơh priă rề priă dia càr dê gơtìp gơhùc uă ngan tus gĭt nđờ rbô tơmàn đong, ờ jai pà tơl priă bơcri ai ală rơndăp broă lơh in. Kờp jơh broă rơndăp lơh bơcri priă dà lơgar nam 2025 bơh càr Dăk Lăk dê digơlan mờr 9 rbô 316 tơmàn đong bơh kes priă. Tàm hơ̆, priă bơcri càr dê là 4 rbô 569 tơmàn đong. Bulah bè hơ̆, rề priă dia càr dê tơngai bơh nam 2021- 2025, digơlan gơhùc rlau 2 rbô tơmàn đong den tàng kal ke tơl lơh jăt broă rơndăp lơh bơcri priă dà lơgar tơngai bơh nam 2021- 2025.

Anih duh broă Làng bol càr Dăk Lăk dan Mpồl duh broă Làng bol càr sền swì, tam gơl tơrmù bàr pe tơnggume ờ hềt lơh, jăt jơnau kờñ ngan ngồn mờ jăt Jơnau lơh nền tàm pơrjum Mpồl duh broă Làng bol càr dê.