Ƀòn drà dờng Buôn Hồ, càr Dăk Lăk yal rơndăp anih lơh broă sră pơ àr gơnoar ătbồ kâp xã
Thứ sáu, 08:04, 01/11/2024
Cau mblàng: Lơ Mu K'Yến/ VOV Tây Nguyên
Cau mblàng: Lơ Mu K'Yến/ VOV Tây Nguyên
VOV4.K’Ho- Drim ngai 31/10, ƀòn drà dờng Buôn Hồ, càr Dăk Lăk bơyai lơh Dơ̆ yal rơndăp anih lơh broă sră pơ àr gơnoar ătbồ kâp xã jăt Jơnau lơh nền tàm pơrjum bơh Anih duh broă Lơh kơnòl broă sùm Quôk hội dê.
Jăt mờ hơ̆, bơh ngai 01/11/2024, ƀòn drà dờng Buôn Hồ, càr Dăk Lăk tơmŭt dồ bơnah bă ù, khà kờp làng bol xã Ea Blang dê tàm xã Ea Siên. Bơnah gam wơl bơh xã Ea Blang dê tơmŭt tàm xã Ea Drông. Bè hơ̆, tơnơ̆ tŭ tơmŭt, ƀòn drà dờng Buôn Hồ gam 11 anih lơh broă sră pơ àr gơnoar ătbồ kâp xã, geh 7 sơnah ƀòn mờ 4 xã.
Broă tơmŭt bal gơgơs anih lơh broă sră pơ àr gơnoar ătbồ pa lơh geh bơta ƀươn ƀoài ai broă lơh ătbồ dà lơgar bơh gơnoar ătbồ kâp hơđơm dê in mờ broă lơh bơh mpồl ală tiah làng bol ơm kis; gơtùi lơh jăt niam jơnau sồr mờ ală broă jàu bè bơ̆t bơtàu ƀòn lơgar pa tàm ù tiah ală xã dê; lơh geh bơta ring bal tàm kwang bàng, làng bol mờ dipal mờ gùng dà bơh Đảng dê, broă lơh adăt boh lam bơh Dà lơgar dê.
Viết bình luận