Rơcang lơh niam broă sền, jăt sền blơi tăc ồs đèng, tàm 09 nhai nam 2024, gah ồs đèng càr Dăk Lăk neh bơsong mờr 920 dơ̆ tìs bè ồs đèng mờ kờp jơh priă tă wơl geh 1 tơmàn 700 tơlăk đong. Nam lài, càr Dăk Lăk kung lam lài ală mpồl lơh broă tàm Tổng Kông ty ồs đèng đah Tàm gùl lơgar (EVNCPC) bè khà priă tă wơl bơh broă tìs ngui ồs đèng mờ rơlao 2 tơmàn 100 tơlăk đong.

Nàng broă sền, jăt sền lơh geh cồng nha, ală gah lơh ồs đèng tàm càr neh ngui uă broă lơh di pal mờ mùl màl tàm ală tiah. ală tiah geh ù tiah ơnàng, geh gùng che ồs đèng nàng ƀồm dà bè Ea Kar, Buôn Hồ, Cư̆ Mgar... sùm gơtìp tìs kơñao ồs đèng uă rơlao mờ ală tiah ndai. Den tàng, tàm kàl prang trồ tiah tơngai duh, do là tiah tơrgùm ƀồm dà tuh phan tam in, ală gah lơh ồs đèng ndrờm tơnguh broă lòt sền ngai kung bè mang, lòt sền nền nòn broă ngui ồs đèng, ngui măi mok pa nàng rơcang gŏ ală bơta tơngŏ tìs... Mờ gah ồs đèng càr Dăk Lăk kung neh lơh jăt broă tus sền ni sơna bè broă kă bro mờ broă lơh drơng ala bơh cau năc dê, phan was kờp, di tŭ gŏ, bơsong ală bơta di gơlan tam túp che ồs đèng lơh hoàc huơr ồs đèng, gơtìp rềs àr.