Củ tịc lơgar ồng Lương Cường còp mùl màl lơgar Peru, tus bal Tơngleh Kwang bàng Kấp dờng mpồl APEC
Thứ tư, 10:31, 13/11/2024
Cau mblàng Ndong Brawl/VOV
Cau mblàng Ndong Brawl/VOV
VOV4.K'Ho- Mho òr (12/11), jăt jơ tàm tiah do, Củ tịc lơgar ồng Lương Cường bal mờ Mpồl kwang bàng ala măt kấp dờng lơgar Việt Nam sơn đờm còp mùl màl lơgar Peru mờ tus bal Poh Tơngleh Kwang bàng Kấp dờng Cri bơyai Lơh sa bal Câu Á – Thái Bìñ dương (APEC) 2024 tàm càr lơgar Lima, lơgar Peru jăt jơnau jà bơh Kwang atbồ lơgar Peru mò Dina Ercilia Boluarte Zegarra.
Dơ̆ tus còp geh kơ̆p kờñ là tềl tơngŏ niam, pơgồp bal tàm broă tơnguh bơta git gơ̆p cíñ trị niam bơnĕ đah bàr lơgar dê, tơnguh uă cồng nha lơh broă bal tàm ală gah broă geh bơta pràn mờ wèt tus ai bơta git gơ̆p gơguh dùl bơta pa.
Bơdìh hơ̆ tai, broă Củ tịc lơgar tus bal Tơngleh Kwang bàng Kấp dờng mpồl APEC nam 2024, di tàm dơ̆ tơnkah 35 nam crơng gơs Mpồl cri bơyai do dê, pơn jăt tai ai tơngŏ broă pơgồp bal niam, geh kơnòl bơh lơgar Việt Nam dê tàm broă bơsong ală bơta tàm tiah do mờ tàm gùt plai ù, tàm hơ̆ uă ngan là lơh pràn broă pơgồp bal lơh sa ală lơgar, ai geh bơta pràn pa ai broă gơguh lơh sa tàm tiah do; pơn jăt tai tơnguh gơnoar bơh mpồl APEC dê là mpồl cri bơyai lơh sa dờng ngan.
Viết bình luận