Yal tàm dơ̆ tìp, ala măt ală tập đoàn, kông ty khà dùl lơgar Chile dê ndrờm đơs niam ngan jơnau tơl pràn bơtàu tơngguh bơh drà lơgar Việt Nam dê; kơ̆p kờñ mpồl lơh sa kă bro 2 lơgar dê ngui jơh dồ bă niam ngan rlau jơh ală jơnau kĭ hơ bal kă bro phan mờ 2 lơgar là lơgar tàm mpồl. Đơs tàm dơ̆ tìp măt, Củ tịc lơgar ồng Lương Cường đơs loh, tơngai do, bulah broă lơh sa dunia geh uă tam gơl, gơbàn kal ke. Tàm bơta hơ̆, gĭt gơ̆p lơh bơyô mờ lơh broă bal đah Việt Nam mờ Chile kung gam bơtàu tơngguh niam bơnĕ ngan.

Củ tịc lơgar đơs nền Việt Nam sùm sền gròi, lòt bal bal mờ mpồl bơtiàn mpồl lơh sa kă bro tàm lơgar mờ lơgar bơdìh, ki ngàm, sền gàr gơnoar mờ bơta kwơ dipal, di mờ adăt boh lam bơh cau bơcri priă dê, kung bè gàr niam bơnĕ bơnài bơta kwơ đah Dà lơgar, cau bơcri priă mờ làng bol; hơ lơh geh tiah kă bro mờ bơcri priă ƀươn ƀoài ai ală mpồl lơh sa kă bro lơgar ndai đơs bal mờ Chile đơs is.