Đơs tàm dơ̆ tìp mat, Củ tịc lơgar ồng Lương Cường tơngŏ chờ hờp mờ ngoh rơngăc geh tìp jơh ală mpồl kwang đơng lam bồ, kông cứk, cau lơh  broă bơh Cơldŭ lơh broă Củ tịc lơgar, anih lơh broă rơ̆p rềp mềr, lòt bal mờ dong Củ tịc lơgar lơh jat kơnòl broă tàm gơnoar broă pa geh Đảng, Dà lơgar mờ Quôk hội pin dờn dê jàu dờp.

Tơnơ̆ tŭ iăt jơnau yal dồ ết bè ală bơta, kơnòl broă mờ broă rơndăp lơh tàm tơngai tus, Củ tịc lơgar đơs là nàng lơh sir niam ngan kơnòl broă, bơdìh mờ lơh ngan bơh să tờm dê, bơta sền gròi, dong kờl bơh ală kwang đơng lam bồ Đảng, Dà lơgar, ală anih lơh broă Dà lơgar, Ƀộ, Mpồl, gah broă, ală tiah, kung kơ̆p kờñ ngan dờp geh bơta kờñ, lòt bal bơh Phó Củ tịc lơgar, bơh kwang bàng, kông cứk, cau lơh broă Cơldŭ lơh broă dê nàng gơtùi lơh sir niam ngan kơnòl broă dờng màng tàm gơnoar broă cau lam bồ Dà lơgar; kung bè ala mat Dà lơgar bè tàm dơlam is, lơh broă mờ lơgar ndai, lơh jat tơl làm mờ wil tơl ală kơnòl broă, gơnăp gơnoar bơh Củ tịc lơgar geh Sơnoa boh lam dê cih.