Củ tịc lơgar ồng Lương Cường jờng rơ uă ngan cồng nha tìp mat cribơyai đah Ƀộ trưởng Ƀộ Ling klàng lơgar Việt Nam, Phó Ƀí thư Anih duh broă Ling klàng lơgar Việt Nam ồng Phan Văn Giang mờ Phó Củ tịc Anih duh broă Ling klàng Dà lơgar Lo ồng Trương Hựu Hiệp, chờ hờp sền gŏ bơta gĭt gơ̆p sền gàr Dà lơgar đah 2 gah pơn jat tai geh ală broă bơtàu tơnguh pa, geh cồng nha, di pal mờ ală sră nggal neh kĭ hơ mờ jơnau ring bal đah Kwang đơng lam bồ dờng ngan rlau jơh 2 Đảng, 2 Dà lơgar dê.

Củ tịc lơgar sồr tàm tơngai tus Anih duh broă Ling klàng Dà lơgar, Ƀộ Ling klàng 2 lơgar pơn jat tai sơlơ tơnguh tai, lơh jrô ơnàng làm uă rlau tai bơta gĭt gơ̆p lơh broă bal gah sền gàr Dà lơgar đah 2 gah dê bơh broă lơh tàm pơgơl mpồl kwang bàng ală kấp, ngan là mpồl kwang bàng kấp dờng; lơh jat geh cồng nha ală broă lơh lơh broă gam geh tŭ do. Đơs loh nam 2025 là nam Việt Nam tơngkah kir sơnrai 80 nam ngai Tơnggơs Dà lơgar mờ 70 nam lơh bơta gĭt gơ̆p cribơyai broă mờ lơgar ndai đah lơgar Việt Nam mờ Lo, ồng Trượng Hựu Hiệp đơs nền 2 gah pơn jat tai nùs nhơm ờ tŭ lơi tam gơl mờ gùng lòt mờ kwang đơng lam bồ kấp dờng 2 Đảng, 2 dà lơgar dê neh sền gĭt; mơkung sơlơ tơnguh tai lơh broă bal tàm ală gah, nàng kờñ bơt bơtàu Mpồl bơtiàn tam pà bal rài tơnơ̆ do geh gơtha kwơ màng.