Củ tịc Quôk hội ồng Trần Thanh Mẫn tơngŏ bơta pin dờn là, mờ bơta rcang lài niam ngan bơh Quôk hội lơgar Lào dê, Pơrjum dờng AIPA dơ̆ 45 rơ̆p lơh geh cồng nha niam bơnĕ, pơgồp bơnah tơnguh gơnoar mờ gơnoar broă bơh Dà lơgar Lào tàm tiah do dê.

Tàm nùs nhơm tìp mat, cribơyai rềp mềr, 2 nă kwang đơng lam bồ đơs nền Đảng, Dà lơgar mờ làng bol 2 lơgar sùm sền dờng màng mờ ai lơh lài uă ngan rlau jơh tàm broă sền gàr, prap gàr mờ sùm bơt bơtàu bơta gĭt gơ̆p lơh bơyô bal dờng màng, tam klăc bal is ồn mờ lơh broă bal tơl làm đah Việt Nam mờ Lào; kơ̆p kờñ sơlơ tơnguh tai bơta gĭt gơ̆t đah 2 lơgar, 2 Quôk hội mut lơh broă jrô ơnàng làm uă, geh cồng nha mờ ngan ngồn. 2 nă kwang đơng lam bồ ring bal đơs bal, bơta gĭt gơ̆p lơh broă bal đah 2 Quôk hội 2 lơgar dê sùm geh bơt bơtàu mờ bơtàu tơnguh.