Tàm dơ̆ wă rò, 2 gah đơs là broă 2 gah tơnguh gơnoar bơta gĭt gơ̆p tus lơgar lơh broă bal kwơ màng tơl làm neh lơh geh bơta gơn kơnờm mờ pờ geh ù tiah pa nàng 2 lơgar in sơlơ tơnguh lơh broă bal tàm jơh ală gah Đảng, Dà lơgar, Quôk hội mờ tìp mat lơh kwèng làng bol; tàm jơh ală gah, tàm hơ̆ geh gah cèng bơta bơtàu tơnguh mhar bè tam gơl bơceh lơh, bồ tơngoh kòn bơnus mòn lơh, bơto bơtê mpồl cau lơh broă, lơh broă bal cíp, ƀán zẫn, tam gơl năng lượng, ală drà kă bro, tam gơl năng lượng, tàp pràn să jan, cribơyai broă làng bol bơh gah bơto bơtê.
Việt Nam jờng rơ uă ngan lơgar Mỹ kờñ nùs nhơm bơh lơgar Việt Nam mờ Asean dê geh gơrềng tus dà lềng đah mat tơngai lik; kơ̆p kờñ Quôk hội lơgar Mỹ rơp pơn jat tai gàr niam khà sền gròi uă ngan gơwèt mờ broă dà lềng tiah đah mat tơngai lik; pơn jat tai dong kờl lơgar Việt Nam mờ ală lơgar tàm tiah do dê tơnguh uă bơta pràn jak gùng dà lềng; dong kờl ală mpồl lơh sa kă bro nhơm zờu lơgar Mỹ lơh ală broă lòt sền, tơnhào di mờ adat boh lam tàm tiah gơnoar kwơ màng lơh sa, tàm ù tiah dà lềng bơh lơgar Việt Nam dê.
Viết bình luận