Tàm nùs nhơm kah ưn ngài, ală kwang bàng neh pơdơng goàng bơkào, chu nàng, pơdơng nùs nhơm, să jan kun bồ ưn ngài, tơlik nùs nhơm git jơnau uă ngan gơwèt mờ broă lơh dờng màng bơh ală cau ling khin cha jăk chài, chơ̆t phi să tàm rài tam lơh tơnkàs dà lơgar tơgùm bal.

Tơnơ̆ mờ dơ̆ chu nàng, pơdơng bơkào, kwang đơng lam càr Dăk Lăk bal mờ ală mpồl ling mờ gal làng bol neh chu nàng tềng ală bơto ƀồc cau ling chơ̆t màng. Ồng Nguyễn Quang Thuân, Phó Kwang atbồ Sở Lao động Thương Ƀiñ mờ Xã hội càr Dăk Lăk pà git, broă tus ies còp ƀlàng tơ̆p ƀồc cau ling chơ̆t màng di tàm ală ngai kwơ màng neh gơs bơhiàn ờs mờng niam bơnĕ, tơlik bơta niam hùc dà kah tô dà bơh gơnoar atbồ càr mờ làng bol kis tàm gùt càr do dê.