Tàm ală nam do, VOV Tây Nguyên mờ Gah đơng lam Ling klàng càr Dăk Lăk neh pơgồp bal niam ngan tàm broă lơh mblàng yal. Đại tá ồng Trần Minh Trọng, Cíñ ủy Gah đơng lam Ling klàng càr Dăk Lăk jờng rơ ngan gơnoar broă kwơmàng bơh broă lơh mblàng yal dê tàm lơh jăt kơnòl broă sền gàr lơngăp lơngai- sền gàr dà lơgar.

Broă kĭ hơ nàng kờñ tơngguh uă cồng nha pơgồp bal tàm yal tơngĭt bal jơnau yal, mblàng yal di tŭ, dipal ngan cồng nha ngan kơnòl broă ling klàng, sền gàr dà lơgar, bơ̆t bơtàu pràn kơldang kơ̆ kơl jăp tơl làm rài sền gàr dà lơgar jơh gùt làng bol, broă lơh bơh mpồl phàu crong càr Dăk Lăk dê tàm broă lơh bơ̆t bơtàu sền gàr Dà lơgar tàm ală gah mblàng yal jơnau bơh Anih Jơnau đơs Việt Nam dê; jờng rơ, pơn jờng mờ rề ơnàng uă ală mpồl cau, cau dồ nă să pơnrơ gơguh jak, pơgồp bơnah lơh gơrề rùp rài niam bơnĕ ngan “Cau ling Wa Hồ” dê tàm tŭ tơngai pa.