9 ƀồc ntìng Cau khin cha jak chài chơ̆t màng geh jòi gŏ, tơrgùm tàm xã Thanh Thủy, kơnhoàl Vị Xuyên, càr Hà Giang. Tàm dơ̆ tam lơh sền gàr tiah nhàr lơgar đah Tô Dà lơgar, tàm tiah tam lơh Vị Xuyên, gĭt nđờ rơbô nă kwang bàng, cau ling neh khin cha, nùs nhơm kơ̆ dơn tam lơh. Rlau 4 rơbô nă kwang bàng, cau ling neh khin cha chơ̆t phi să, tus tŭ do gam rlau 1 rơbô nă cau ling chơ̆t màng kung gam ờ hềt jòi gŏ ƀồc ntìng.

Jơnau cih ies ƀồc đơs nền: Đảng ƀộ, gơnoar atbồ, làng bol ală jơi bơtiàn càr Hà Giang sùm cih kah dà kơl hề mờ bơta chơ̆t phi să khin cha bơh rơnàng lòt lài dê; tam klăc bal, jơh nùs sền gàr mờ bơt bơtàu ƀòn lơgar ngai sơlơ pas niam; pơgồp bơnah lơh tus geh broă lơh bơt bơtàu mờ sền gàr Dà lơgar.