Thủ tướng Cíñ phủ kung rơ̆p tus bal Pơrjum Kwang bàng kâp dờng Kwơmàng lơh broă bal lơh sa Ayeyawady-Chao Phraya-Mekong dơ̆ 10, Pơrjum Kwang bàng Kâp dờng Lơh broă bal Campuchia- Lào- Myanmar- Việt Nam dơ̆ 11 mờ lơh broă tàm lơgar Lo. Dơ̆ lòt lơh broă dơ̆ do bơh Thủ tướng Cíñ phủ ồng Phạm Minh Chính dê tus lơgar Lo geh kơ̆p gơn jun yal uă jơnau đơs geh gơtha tus tiah dềt, kơnhoàl ù tiah mờ mpồl bơtiàn ală lơgar in.

Dơ̆ lòt lơh broă do kung nàng kờñ gàr sùm bơta bơtàu tơngguh niam bơnĕ bơh gĭt gơ̆p Việt Nam mờ Lo dê, pơn jăt tai lơh jăt ngan ngồn bơta gĭt wă bal kwang bàng kâp dờng 2 lơgar dê neh lơh geh tàm dơ̆ lòt còp ngan ngồn lơgar Lo bơh Tổng Ƀí thư ồng Tô Lâm dê tàm nhai 08 nam 2024; gàr sùm tơm bơh bơr, tìp măt kwang bàng kâp dờng, sơlơ tơngguh tai pin dờn cíñ trị, ai tơl bơta lơh broă bal geh kwơ ngan ngồn đah 2 lơgar, ai tơl bơta git gơ̆p Việt Nam mờ Lo in, jơh bal kâp Dà lơgar mờ ƀòn lơgar, bơtàu tơngguh kơ̆ kơl jăp, niam bơnĕ, jŏ jòng.