Tàm pơrjum, ală cau ala mat geh yal bè bơta lơh broă bơh ală mpồl lơh sa kă bro, bơyai lơh tàm nam 2024, iăt jơnau yal, yal tơngĭt Jơnau lơh nền Cíñ phủ  sồ 72 bơh Cíñ phủ dê cih bè broă dong kờl tơrmù dia gơguh tai jat Jơnau lơh nền tàm pơrjum sồ 142 bơh Quôk hội dê; Jơnau lơh nền Cíñ phủ  sồ 103 bơh Cíñ phủ dê cih bè priă ngui ù, priă dia ù; yal tơngĭt bàr pe broă drơng dia điện tử bơh anih lơh broă dia dê yal; yal tơngĭt ală bơta lơh tìs sùm gơtìp bơh mpồl lơh sa kă bro dê geh sền gŏ bơh broă lơh lùp sền, lòt sền...

Ala mat ală mpồl lơh sa kă bro, cau rề dia dan mờ Kụk dia càr Dăk Lăk bơto pơlam ngan ngồn broă lơh jat broă lơh, tơngai lơh sră tăc phan bơna mờ lơgar ndai; bơto pơlam ngan ngồn bè jơnau sồr, ală bơta nàng mpồl lơh sa kă bro in geh dờp dia dong kờl priă lơh geh bơh mpồl lơh sa kă bro dê; pal gờñ kờp sền mờ ai tơlik jơnau yal bè dồs dia nàng mpồl lơh sa kă bro in di tŭ bơtơl.