Tàm dơ̆ lơh broă, Kwang đơng lam bồ càr Khánh Hòa yal mờ Mpồl lơh broă bơh Mpồl rơndăp broă lơh Dà lơgar dê bè bơta lơh sa- mpồl bơtiàn, broă lơh bơt bơtàu Đảng 10 nhai nam 2024 mờ bàr pe kơnòl broă tờm tàm tơngai tus.  

Đơs tàm dơ̆ lơh broă, Kwang atbồ Mpồl rơndăp broă Dà lơgar ồng Lê Minh Hưng sồr Mpồl lơh kơnòl broă sùm Tỉñ ủy càr Khánh Hòa sền gròi đơng lam, sồr lơh jat niam bàr pe kơnòl broă tờm tàm tơngai tus; Sùm tam gơl pa broă lơh đơng lam bơh Đảng dê; Lơh pràn lơh niam sră nggal gơnoar atbồ tàm Đảng; Sơlơ tơnguh tai bơta đơng lam bơh Đảng dê, is ồn là bơta đơng lam bơh Đảng dê gơwèt mờ gơnoar atbồ, Mặt trận Dà lơgar mờ ală mpồl Cíñ trị- mpồl bơtiàn; Sơlơ tơnguh tai bơta đơng lam bơh Đảng dê gơwèt mờ broă lơh rơndăp tăp sèng kwang bàng; Lơh jat niam kơnòl cau lam bồ tàm broă lơh niam sră nggal gơnoar atbồ mờ bơt bơtàu mpồl kwang bàng lơh broă niam, gơtùi lơh broă, geh cồng nha tàm anih lơh broă, mpồl lơh broă mờ ală tiah dê.