Tàm dơ̆ tìp mat, Kwang atbồ dờng Anih jơnau đơs Việt Nam ồng Đỗ Tiến Sỹ hờn chờ ală Kwang atbồ Anih lơh broă ala mat lơgar Việt Nam tàm lơgar ndai geh pồ tàm ală tiah lơh broă kwơ màng, mơkung đơs sùm: Ală Kwang atbồ anih lơh broă ala mat lơgar ndai, Kwang atbồ anih cribơyai broă mờ lơgar ndai là ală cau cèng gơnoar broă bơh Đảng, Dà lơgar mờ làng bol dê tàm broă lơh cribơyai broă mờ lơgar ndai, là rbàng tàm tơrbŏ bal đah cau Việt Nam kis tàm lơgar ndai. Anih jơnau đơs Việt Nam là anih lơh broă pờ tơlik jơnau đơs mìng dùl lơm tàm Việt Nam geh Anih pờ tơlik jơnau đơs ai cau lơgar ndai in, lơh jat ală kơnòl broă cíñ trị, mpồl bơtiàn mờ 13 jơnau đơs...

Anih jơnau đơs Việt Nam gam lơh jat ală broă lơh jơnau đơs cíñ trị ală bơta, uă gah “Việt Nam- Rài brồ să” nàng kờñ đơs nền bơta đơng lam bơh Đảng dê neh dong dà lơgar brồ să pràn kơl dang, wèt tus rài pa, đơs nền bơngă pin dờn mờ gơnoar broă tàm tiah ală lơgar dê. Kwang atbồ dờng Anih jơnau đơs Việt Nam ồng Đỗ Tiễn Sỹ kơ̆p kờñ Mpồl atbồ Anih lơh broă ala mat lơgar Việt Nam geh ală bơta tam gơl bè lơi ai gơ in di pal, sền gĭt geh nùs nhơm tàm tơngai pa, sền gĭt geh ală broă lơh pa bơh ală lơgar dê geh kwơ ai lơgar Việt Nam mờ Việt Nam in mut gơ rờm bal mờ mpồl bơtiàn ală lơgar.