Cribơyai lời uă tŭ jiơ tă tàm bơyai bal, tă pơgồp uă jơnau đơs bè broă rơndăp ù tiah, pơlam gùng dà tam gơl tơlir, broă lơh sa ngui măi mok pa bơh càr Lâm Đồng dê; iăt ală cau atbồ, ală cau gĭt wă jrô broă lơh đơs bè ală tơngume geh gơrềng tus priă jền, broă lơh, gùng dà broă lơh sơlơ tơnguh tai broă lơh tam gơl kung bè tŭ tơngai niam bơh ală cau bơcri priă in gơwèt mờ ală rơndăp broă lơh, ală bơta tam gơl tơlir bơh càr dê. Bal mờ hơ̆, ală cau ala mat kung cribơyai broă bè priă jền ai gơguh tơlir, bơtàu tơnguh kơ̆ kơl jăp; tam uă brê tam mờ broă lơh lơh niam broă lơh sa ai mpồl bơtiàn ală jơi bơtiàn tàm càr dê in.

Giáo Sư- Tiến sỹ ồng Trần Hồng Thái, Củ tịc Anih duh broă làng bol càr Lâm Đồng đơs nền, cribơyai là tŭ tơngai niam dờng nàng càr in yal tơngĭt bơta ƀuơn, bơta pràn mờ ală cau bơcri priă in tus bơcri priă lơh, kă bro tàm càr Lâm Đồng. Càr rơ̆p iăt kơno tơl làm jơnau đơs tă pơgồp, bơto pơlam bơh ală cau gĭt wă jrô broă lơh, cau bơcri priă, mpồl lơh sa kă bro dê, jat tàm ală bơta hơ̆ geh gùng dà pơlam, broă lơh kwơ màng sơlơ tơnguh tai bơtàu tơnguh lơh sa- mpồl bơtiàn, tam gơl tơlir, kơ̆ kơl jăp bơh càr Lâm Đồng dê tàm tơngai tus.