Bơh ngai 15 nhai 11 nam lài, Mpồl Làng bol lơh broă sa càr neh lam lơh dơ̆ pơrlòng kwơ màng tus ală kấp mpồl mờ ală cau tàm mpồl lơh broă sa càr dê. Tàm 01 nam do, làng bol lơh broă sa gùt càr neh lơh geh mờr 1 rơbô 100 nă broă lơh, bơnah broă.

Di tàm dơ̆ do, Mpồl lơh broă sa càr Dăk Lăk jờng rơ, pà phan pơn jờng 21 mpồl mờ cau dùl nă să geh cồng nha jăk ngan tàm broă lơh jăt broă pơrlòng chờ gờm Tơnkah 120 nam Ngai crơng gơs càr Dăk Lăk. Jào sră dờp “Phan lơh sa suơn sre pơnrơ càr Dăk Lăk nam 2024” ai 25 bơta phan tus bơh 23 mpồl lơh broă, cau dùl nă să lơh tàm càr. Ràng tơlik, yal rơlao 200 bơta phan geh lơh bơh suơn sre pơnrơ, phan lơh broă sa suơn sre drơng broă lơh sa suơn sre ngui măi mok pa mờ lơh sa suơn sre hữu kơ bơh ală kấp Mpồl Làng bol lơh broă sa 15 càr, ƀòn dờng dê.