Mpồl Lơh kơnòl broă sùm Tỉñ ủy càr Dăk Lăk bơyai lơh Pơrjum pah dơ̆ ờs mờng dơ̆ 97
Thứ ba, 13:36, 05/11/2024
Cau mblàng: Lơ Mu K'Yến/ VOV Tây Nguyên
Cau mblàng: Lơ Mu K'Yến/ VOV Tây Nguyên
VOV4.K’Ho- Mho ngai 04/11, Mpồl Lơh kơnòl broă sùm Tỉñ ủy càr Dăk Lăk bơyai lơh Pơrjum pah dơ̆ ờs mờng dơ̆ 97 ai jơnau đơs bè jơnau rơcăng cih Jơnau yal cồng nha đơng lam lơh jăt kơnòl broă nhai 10 mờ gùng dà, kơnòl broă tờm nhai 11 nam 2024.
Yal tàm pơrjum, tàm nhai 10 nam 2024, broă lơh sa- mpồl bơtiàn bơh càr Dăk Lăk dê pơn jăt tai bơtàu tơngguh kơ̆ kơl jăp, jơh ală broă jàu ndrờm gơguh pơndrờm bal dồ tŭ mờ nam 2023. Ƀí thư Tỉñ ủy càr Dăk Lăk ồng Nguyễn Đình Trung sồr ală kâp tàm càr pal tơrgùm đơng lam, sồr lơh mờ lam lơh jăt niam ală kơnòl broă bơh nam 2024 dê; lam lơh geh cồng nha Dơ̆ tơngkah kir sơnrai 120 nam Ngai tơnggơs càr; rơcăng sir niam ai broă bơyai lơh Pơrjum dờng Đảng ƀộ càr dơ̆ XVIII in; mhar lam lơh Rơndăp ù tiah kơnhoàl ù tiah Tây Nguyên, Rơndăp ù tiah càr Dăk Lăk tơngai bơh nam 2021- 2030, bơta wèt sền tus nam 2050 jăt broă rơndăp lơh; lơh mhar tŭ tơngai lơh jăt Rơndăp broă lơh gùng rơndeh lòt mhar Khánh Hoà- Buôn Ma Thuột.
Viết bình luận