Anih duh broă Lơh sa Quôk hội neh lơh broă mờ ală càr, ƀòn dờng: Khánh Hòa, Ninh Thuận, Bình Thuận, Đồng Nai mờ ƀòn dờng Hồ Chí Minh. Tàm dơ̆ lơh broă, ală cau ala mat ring bal uă broă lam lơh rơndăp broă lơh bơcri priă lơh gùng rơndeh ồs lòt mhar ngan tàm gùng đah Tô- đah Jum Dà lơgar, pơgồp bơnah sơlơ tơnguh tai tàm tơrbŏ bal kơnhoàl ù tiah.

Rơndăp broă lơh gùng rơndeh ồs lòt mhar ngan đah Tô- đah Jum Dà lơgar kờp jơh geh bơta jòng gơl gùng dê pơgăp 1 rơbô 540 kơi sồ, lòt gan 20 càr, ƀòn dờng. Rơndăp broă lơh lơh pa gơl gùng rơndeh deh ồs bàr, bơta mhar geh lơh 359 kơi sồ dồ jiơ. Kờp bal bơh sơn rờp jơnau kờñ ngui ù rlau 10 rơbô 800 lồ, kờp jơh priă bơcri lơh pơgăp rlau 1 tơlak 700 rơbô tơmàn đong. Kờp dŭ, rơndăp broă lơh rơ̆p geh ring bal gùng dà broă lơh bơcri priă lơh tàm qúy 4 nam do; sơnđờm mut lơh tàm nam 2027; lơh ngan lơh sir broă lơh tàm nam 2035.