Tàm 5 nam do, ală kấp Mpồl ơruh pơnu càr Dăk Lăk neh dong kờl 152 rơndăp broă lơh sơnđơm mut lơh broă bơh ơruh pơnu; lơh mờr 300 broă lơh dong kờl ơruh pơnu ờ pràn; bơto pơlam, yal tơngĭt broă lơh ai 27 rơbô nă ơruh pơnu in. Broă lơh tam klăc bal tơrgùm ơruh pơnu tơrgùm wèt tus tiah làng bol jơi bơtiàn dồ ết nă cau, gah pin dờn jat Yàng. Bơh hơ̆, tơmut tai rlau 92 rơbô 600 nă ơruh pơnu tàm mpồl, lơh uă tai 15 mpồl tàm mpồl lơh sa kă bro bơdìh dà lơgar.

Ơruh pơnu jơh gùt càr gam jơh nùs tus bal ală broă lơh gàr niam rài kis mpồl bơtiàn, dong kờl is tài mpồl bơtiàn. Tàm 5 nam do neh hòi jà tă pơgồp priă jền lơh pa 72 nơm hìu dong kờl kòn bơnus; lam lơh 290 dơ̆ kham kòp, bơto pơlam mờ pà sơnơm ờ sa priă, pà is rlau 37 rơbô 400 kơl dung mhàm dong kờl cau kòp in.