Tàm ală nam pa do, uă lơgar tàm mpồl Tam klăc Cau ling yau ASEAN neh lơh geh ờ uă cồng nha dong kờl cau ling yau lơh sa, tơn jơh jơgloh, tơmù rơƀah, brồ guh lơh pas di mờ adăt boh lam.

Cri bơyai Mpồl lơh sa kă bro Mpồl tam klăc Cau ling yau mpồl ASEAN geh bơh broă kờñ lơh pràn broă lơh bal kă bro mờ ai geh bơta niam nàng tơrbŏ bal đah ală mpồl lơh sa kă bro cau ling yau tàm mpồl ASEAN dê, di gơlan cèng geh ală bơta niam pa ai mpồl lơh sa kă bro cau ling yau in tàm broă rề ơnàng drà kă bro mờ tơnguh broă pơgồp bal. Cri bơyai Mpồl lơh sa kă bro Cau ling yau mpồl ASEAN kơ̆p kờñ rơ̆p pờ geh uă dơ̆ niam lơh broă bal pa, dong kờl tơnguh uă rài kis ai cau ling yau mờ hìu nhă cau ling yau in, mờ pơgồp bal tàm broă bơtàu tơnguh lơh sa bơh ală lơgar tàm mpồl ASEAN dê.