Phó Thủ tướng, Ƀộ trưởng Ƀộ Cribơyai broă mờ lơgar ndai ồng Bùi Thanh Sơn đơs nền, Lào là lơgar tàm mpồl geh kơnòl, geh gơnoar broă mờ jơnau đơs ngai sơlơ geh sền dờng màng, tă pơgồp jơh nùs ai bơta bơtàu tơngguh kơ̆ kơl jăp mờ jŏ jòng bơh kơnhoàl ù tiah do dê, mơkung ai tơl bơta lơh broă bal đah Asean mờ ală cau lơh broă bal in, tài ring lơngai, kơ̆ kơl jăp mờ bơtàu tơngguh bơh kơnhoàl ù tiah do mờ dunia dê.

Đơs sùm, Việt Nam sùm sền dờng màng, lời bơta ai lài uă ngan rlau jơh ai gĭt gơ̆p is ồn đah Việt Nam mờ Lào in, Phó Thủ tướng đơs niam ngan lơh broă bal năng lượng mờ phan kwơ tàm ù đah Việt Nam mờ Lào dê tàm tơngai do neh lơh geh uă cồng nha niam ngan, ală broă lơh lơh broă bal duh hồl, sùm bơtàu tơngguh. Sồr 2 gah pal pơn jăt tai cribơyai jrô tàm ală kâp nàng năng lượng mờ phan kwơ tàm ù gơgơs bơta pràn tàm lơh broă bal đah 2 lơgar dê, Ƀộ trưởng Ƀộ Năng lượng mờ Phan kwơ tàm ù lơgar Lào dê ồng Phosay Sayasone pin dờn ală broă lơh tàm broă do rơ̆p ngai sơlơ lơh geh cồng nha uă rlau tai tàm tơngai tus.