Bàr Phó Thủ tướng neh cri bơyai bal mờ ring bal kĭ Broă rơndăp lơh tơrgùm bal bơtàu tơnguh lơh broă bal đah lơgar Việt Nam mờ lơgar Nga tus nam 2030, kung bè tơngai lơh jăt ală gah broă bè lơh sa mờ măi mok, broă lơh sa suơn sre, kă bro phan, lơh sơnơm….; ală gùng dà broă lơh gơrềng bal tus lơh broă bal bè nhơm jờu mờ ờ uă gah năng lượng  ờs mờng; tơngai lơh broă bal tàm gah lơh sa suơn sre; lơh jăt rơndăp broă lơh hìu bơsram lơgar Nga tàm Hà Nội.

Phó Thủ tướng ồng Trần Hồng Hà sồr bàr gah pơn jăt tai geh gùng dà broă lơh yal tơngit bal mhar rơlao, di tŭ nàng bơsong mờ ală bơta kal ke, gơkòl tàm broă lơh jăt ală broă lơh, rơndăp broă lơh broă bal; kơlôi sơnơng broă lơh bal jăt jơnau neh geh kĭ sră nggal ring bal lơh broă bal đah bàr cíñ phủ gơwèt mờ ờ uă gah broă kwơ màng, ai lài.