Pơ ùr Tổng Ƀí thư dê lòt Pơrjum cribơyai tàñ mai ờs mờng bơh yau Asean dơ̆ 09 tàm lơgar Lào
Thứ năm, 11:06, 07/11/2024
Cau mblàng: Lơ Mu K'Yến/ VOV
Cau mblàng: Lơ Mu K'Yến/ VOV
VOV4.K’Ho- Dờp jơnau jà bơh mò Naly Sisoulith, pơ ùr Tổng Ƀí thư, Củ tịc lơgar Lào ồng Thongloun Sisoulith dê, mò Ngô Phương Ly, pơ ùr Tổng Ƀí thư ồng Tô Lâm dê neh còp lơgar Lào mờ tus bal Pơrjum cribơyai Ờs mờng bơh yau Asean dơ̆ 09 mờ tơnggume “Kơ̆t kơnhăp bơta gĭt gơ̆p Mpồl bơtiàn Asean bơh phan lời wơl niam chài mờ tàñ mai” bơh ngai 03/11 tus ngai 06/11/2024.
Boh bơr mờ ală cau ala măt lòt Pơrjum cribơyai, mò Ngô Phương Lý đơs niam ngan bơta is rơmis mờ jơnau gơtha bơh Pơrjum cribơyai Tàñ mai ờs mờng bơh yau Asean dơ̆ 09 dê kung bè bơta niam, bơta krơi is ngan bơh ală phan bơna geh ơn pơdơng tàm Pơrjum cribơyai dơ̆ do dê.
Mò Ngô Phương Ly gờm chờ lơgar Lào tàm gơnoar broă Củ tịc Asean neh bơyai lơh geh cồng nha ală broă lơh, is ồn là ală Pơrjum Kwang bàng kâp dờng Asean dê, đơs nền broă bơyai lơh geh cồng nha Pơrjum cribơyai Tàñ mai ờs mờng bơh yau rơ̆p pơgồp bơnah tàm cồng nha lơh geh bơh nam Củ tịc Asean dê, ai tơl bơta sơlơ tìp măt lơh kwèng, lơh broă bal tai đah làng bol ală lơgar Asean mơkung lơh niam mờ prăp gàr gah tàñ mai ờs mờng bơh yau bơh ală lơgar dê.
Viết bình luận