Quốk hội Cri bơyai bè broă rơndăp lơh bơtàu tơnguh lơh sa mpồl bơtiàn nam 2025
Thứ ba, 07:49, 05/11/2024
Cau mblàng Ndong Brawl/VOV
Cau mblàng Ndong Brawl/VOV
VOV4.K'Ho- Ngai òr (04/11), Pơrjum dơ̆ 8, Quốk hội khoă XV cri bơyai tàm hìu pơrjum dờng, sền wơl cồng nha lơh jăt broă rơndăp lơh tơnguh bơtàu lơh sa mpồl bơtiàn nam 2024, kờp dŭ broă rơndăp lơh bơtàu tơnguh lơh sa mpồl bơtiàn nam 2025.
Quốk hội kung cri bơyai gùng dà broă lơh niam wơl Rơndăp ù tiah ngui ù dà lơgar tơngai bơh nam 2021 tus 2030, wèt tus nam 2050; gùng dà broă bơcri priă bơtơl priă Dà lơgar tàm Ngân hàng Kă bro Kổ phần mờ lơgar ndai lơgar Việt Nam dê.
Pơn jăt hơ̆, ală kwang bàng tàm Cíñ phủ mblàng yal lơh loh ờ uă tơngu me Kwang bàng Quốk hội đơs. Tàm poh lơh broă dơ̆ pe do, Quốk hội pơn jăt tai cri bơyai ală tơngu me bè: Broă lơh jăt kes priă Dà lơgar nam 2024, Kes priă Dà lơgar, gùng dà tam pà kes priă Dà lơgar nam 2025; ờ uă tơngu me lơh niam wơl, bơtơl rơndăp broă kes priă Dà lơgar.
Viết bình luận